Sa mit-twaqqif tagħha, is-Soċjeta` Filarmonika Leone dejjem impennjat ruħha b’riżq il-kultura teatrali u mużikali f’Għawdex tant li kellha l-grupp teatrali tagħha fil-bidu ta’ l-1900. L-aħħar predeċessur tat-Teatru tal-Opra Aurora kienet is-sala tal-films u teatru Aurora - parti mill-każin tal-Banda Leone miftuħa fl-1963. L-opra lirika f’Għawdex taf il-bidu tagħha lill-kumitat tas-Soċjeta` Filarmonika Leone, li fl-1971 flimkien ma’ għadd ta’ voluntiera varaw il-proġett tal-bini tat-Teatru tal-Opra Aurora, inawgurat nhar id-9 t’Ottubru 1976. Il-qofol ta' din il-ħidma ntlaħaq fis-7 ta’ Jannar 1977, tliet xhur biss wara l-ftuħ uffiċċjali, meta ġiet imtella’ l-ewwel opra f’Għawdex – Madame Butterfly. Din l-opra kellha timmarka l-qawmien ... more